Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 268 Hüküm no: 422 Orijinal metin no: [74b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadem bt. Abdullah’ı öldüren Piro adlı kölenin öldürülmeyip maktûlenin küçük kızı Cemile’ye verilmesi Bundan akdem maktûle olan Kadem bt. Abdullah’ın oğlu Mesih b. Abdullah’ın kızı Cemile’nin kıbel-i şer‘den vasîsi olan Hasan b. Abdullah nâm kimesne mezbûreyi katl eden kullardan Petro nâm kulun efendisi olan İvaz b. ( ) nâm kimesne mahzarında mezbûr kul katl etdiği mezbûre Kadem’in mezbûre sagīr vârisesi olup ve verâseti mezbûre sagīreye münhasıra idiği bimâ hüve tarîki’s-sübût şer‘an sâbit oldukdan sonra husûs-ı kaziyye Pâdişâh-ı âlem-penâha arz olundukda ve katlini fermân edip yetîmeye “katl etmeyip kulu vermek enfa‘dır” deyû arz olundukda Pâdişâh hazretleri kul yetîmeye verilsin deyû fermân ettiklerinde mezbûr Karagöz merkūme sagīreye verildi. Fî evâhiri Muharrem sene 971. Şuhûdü’l-hâl: Nasûh Bey b. Abdullah, Ahmed b. Süleyman, Mehmed b. Ahmed