Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 92 Hüküm no: 94 Orijinal metin no: [20b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi’nin Kartal naipliğine tayin edildiği Yâ Fettâh Yâ Mu‘în İzzet-meâb şerî‘at-nisâb Mevlânâ el-Hâc Mustafa Efendi kâm-yâb Ba‘de’t-tahiyyeti’l-vâfiye inhâ olunur ki mutasarrıf olduğumuz Üsküdar muzâfâtından Kartal kazâsının niyâbeti işbu sene ihdâ ve semânîn ve mi’ete ve elf şehri Rebî‘ülâhiri gurresinden tarafımızdan sana tefvîz olunmuşdur gerekdir ki kazâ-i mezbûru gurre-i mezbûreden zabt u rabt ve beyne’l-ahâli icrâ-yı ahkâm-ı şer‘-i âlî edüp vukū‘ bulan mevtâ-yı askeriye muhallefâtın dahi tahrîr ve terkīm ve beyne’l-verese bi’l-farîzati’ş-şer‘iye tevzî‘ ve taksîm eyleyesin ve’s-selâm. El-fakīr Veliyüddin Efendizâde Mehmed Emin el-kādı bi-medîneti Üsküdar