Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 80 Hüküm no: 48 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Erkilet köyünden Mehmed ve Ahmed’in şikâyette bulundukları Abdullahoğulları Osman ve Ahmed ile muhakemeleri Ma‘rûz, Sâdır olan fermân-ı âlîlerine imtisâlen işbu arzuhâl ve derkenâra nazar olundukda vilâyet-i Anadolu’da Kayseriye sancağında vâki‘ Erkilet karyesi ahâlîsinden sâhibey-i arzuhâl el-Hâc Mehmed ve el-Hâc Ahmed nâm kimesnelerin zikr olunan Erkilet karyesi ahâlîsinden Abdullahoğulları? demekle arîf Çoban İsmail nâm gāibin er karındaşları karye-i mezkûr sâkinlerinden Osman ve Ahmed nâm kimesnelerden işbu arzuhâlde muharrer istid‘âları hukūk-ı şer‘iyyeden olup hasımları mezbûrân Osman ve Ahmed ile şer‘an terâfu‘ ve ihkāk-ı hak olunmağa muhtâc mevâddan olmağla mahâllinde bi’l-muvâcehe husûs-ı mezkûr için terâfu‘ ve ihkāk-ı hak olunmak bâbında bir kıt‘a fermân-ı âlîşân sudûru re’y-i âlîlerine menût idüğü huzûr-ı âlîlerine i‘lâm olundu. El-emru li-men-lehü’l-emr. Fi’l-yevmi’l-hâmis min-Cemâziyelâhir li-sene erba‘a ve hamsîn ve mi’eteyn ve elf.