Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 81 Hüküm no: 49 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Güzelhisar ahalisinden Şerife Emine’nin Mazlumzade Ahmed Bey ile mahallinde hakim huzurunda muhakemeleri Ma‘rûz, Sâdır olan fermân-ı âlîlerine imtisâlen işbu arzuhâl ve derkenâra nazar olundukda vilâyet-i Anadolu’da Aydın Güzelhisarı ahâlîsinden sâhibe-i arzuhâl Şerife Emine nâm hatunun zikr olunan Güzelhisar’da sâkin Mazlumzâde es-Seyyid Ahmed Bey’den işbu arzuhâlde muharrer istîd‘âsı hukūk-ı şer‘iyyeden olup ve hasmı mezbûr es-Seyyid Ahmed Bey ile şer‘an terâfu‘ ve ihkāk-ı hak olunmağa muhtâc mevâddan olmağla mahâllinde bi’l-muvâcehe husûs-ı mezkûr için terâfu‘ ve ihkāk-ı hak olunmak bâbında bir kıt‘a fermân-ı âlîşân sudûru re’y-i âlîlerine menût idüğü huzûr-ı âlîlerine i‘lâm olundu. El-emru li-men-lehü’l-emr. Fî 11 Ra sene [1]254.