Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 95 Hüküm no: 117 Orijinal metin no: [12b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Kosta’nın Teyafulo v. Yani’ye hapisten çıkıp borcunu ödemesine kefil olduğu An-Muharremi’l-harâm sene 967 Vech-i tahrîr-i sicil budur ki Karye-i Beşiktaşı’ndan Teyafulo v. Yani nâm zimmî Nikola Pulo nâm zimmîden bin üç yüz akçe deyni için habs olunmuş iken meblağ-ı mezkûrun edâsı habsden ihrâc olunmayınca mümkün olmadığı ecilden Beşiktaşı nâm karyeye tâbi‘ Ayafuka nâm karyeden Yani v. Kosta nâm zimmî mala ve nefsine kefîl olup Muharrem on yedisi Çarşamba gününden on güne dek va‘de verilip ve tahsîl-i mal için mezkûr Teyafulo’nun vekîli olup emlâkin bey‘ edip deyni edâ ede şerâît-i kefâlet ve vekâlet ri‘âyet olundukdan sonra talebleriyle sicile kayd olundu. Tahrîren fî 17 Muharrem sene 967 Şuhûdü’l-hâl: Hasan b. Abdullah el-berber, Cafer b. Pir Mehmed el-imâm, Mehmed b. Mahmud el-anbârî ve gayruhüm.