Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 95 Hüküm no: 118 Orijinal metin no: [12b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Şirmerd’in bağını Toroz v. Yorgi’ye sattığı Vech-i tahrîr-i sicil budur ki Havâss-ı Kostantıniyye-i mahmiyyeye tâbi‘ Beşiktaşı nâm karyeden Mustafa b. Şirmerd nâm kimesne meclis-i şer‘-i şerîfe ve mahfil-i hükm-i münîfe aleyhi efdalü’s-salât ve ekmelü’t-tahiyyât hâzır olup tâyi‘an ve râgiben ikrâr kılıp karye-i mezkûre bağları kurbünde bir taraf Nikola bağıyla ve bir taraf Luize v. Kortaş bağıyla ve bir taraf Kasandosa Manol bağıyla ve bir cânibi dere ile mahdûd olan bağımı işbu bâ‘isü’l-kitâb Toroz v. Yorgi el-meşhûr Karyopulo nâm zimmî sene sitte ve sittîn ve tis‘a mi’e Cemaziyelahiri’nin evâhirinde altı yüz râyicü’l-vakt Sultân Süleyman azze nasruhû akçeye bey‘ edip teslîm-i mebî‘ kabz-ı semen ettim deyicek mezbûrun ikrârını mezbûr Todori vicâhen ve şifâhen tasdîk edip tarafından olan bey‘ ü şirânın sıhhatine hükm olunup bu vesîkaya sebeb temessük ketb olunup yedine def‘ olundu ki vakt-i hâcette ihticâc edine. Tahrîren fî evâsıt-ı Muharremü’l-harâm sene 967 Şuhûdü’l-hâl: Pervane b. Abdullah, Hacı Mübarek b. Abdullah, Mevlânâ Cafer b. Mehmed, Mehmed Ağa b. Abdullah, Pîr Ali b. Mir Ali, İbrahim b. Sadık, Hacı İlyas b. Abdullah, Hasan b. Abdullah el-berber, Mehmed b. Mustafa.