Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 91 Hüküm no: 63 Orijinal metin no: [11a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Berber Vartan’ın taksim olunan terekesi Askerî tâifesinden olup medîne-i Üsküdar-ı meymenet-âsârda Selami mahallesinde mütemekkin iken bundan akdem hâlik olan Berber Vartan v. Markoz zimmînin verâseti zevce-i metrûkesi Ohayer bt. Semaven Nasrâniye ile sulbî sagīr oğlu Avakim’e münhasıra olduğu şer‘an zâhir ve nümâyân oldukdan sonra sagīr-i mersûmun anası ve tesviye-i umûruna vasiyy-i mansûbesi zevce-i mersûme Ohayer Nasrâniye taleb ve ma‘rifetiyle tahrîr ve bey‘ ve defter olunan tereke-i hâlik-i mersûmedir ki ber-vech-i âtî zikr olunur. Fi’l-yevmi’s-sâbi‘ aşer min-Cemâziyelâhire li-sene erba‘a ve hamsîn ve mi’eteyn ve elf. Çuka kaplı nâfe kürk 1 [aded] 62 guruş Çuka cübbe 1 [aded] 90 guruş Ba-mırıl? 45 guruş Ba-mırıl? 1 [aded] 50 guruş Entari 1 [aded], fes 1 [aded] 40 guruş Entari 1 [aded] 3 guruş Peştamâl 4 aded, boğça 1 aded 80 guruş Bir mikdâr zağferan 100 guruş Sandık 1 aded 40 guruş Yorgan 1 aded, döşek 1 aded, yasdık 1 aded 150 guruş Piştahta 1 aded 190 guruş Sim zincir 1 aded 50 guruş Elvân kehribar imâme ma‘a çubuk nargile 4 [aded] marpuç 10 [aded] 600 guruş Nakd-i mevcûd 433,5 guruş Sahhu’l-bâkī 1933,5 guruş Hâlik-i mersûmun düyûnu kesîresi olduğu ihbâr olunmağla bâlâda muharrer sahhu’l-bâkī olan bin dokuz yüz otuz üç buçuk guruş on paranın bin beş yüz guruşu zevce-i mersûme Ohayer Nasrâniye zimmetinde olup bâkī dört yüz üç buçuk guruş on para bir kese derûnuna mevzû‘an ve memhûren Resîdât Sandığına vaz‘ olunduğu bu mahalle şerh olundu.