Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 92 Hüküm no: 65 Orijinal metin no: [11b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bursa naibi Mehmed Rüşdü Efendi’nin ilamında belirtilen vakıf menzil ile mülk olan menzilin istibdâli Ma‘rûz-ı dâ‘îleridir ki Sâdır olan fermân-ı âlîlerine imtisâlen mahrûse-i Bursa kazâsı nâibi mevâlî-i i‘zâmdan fazîletlü Mehmed Rüşdü Efendi dâ‘îlerinin mührü dahi mutâbık ve istibdâl husûsunu nâtık arza ve derkenârına nazar olundukda arz-ı mezkûrun mazmûnu şer‘-i şerîfe muvâfık ve siyâk ve serdi kā‘ide-i ilm-i sakka mutâbık olmağla istibdâli tecvîz eyleyen fukahâ-yı i‘zâmın kavilleri üzere mülk olan menzil vakıf ve vakıf olan menzil mülk olmak ve vakf-ı evvelin şürûtu vakf-ı sânîde icrâ olunmak üzere istibdâl olunmasına ber-mûceb-i istid‘â izn-i hümâyûn-ı şâhâneyi mutazammın bâlâsı tuğrâ-yı garrâ-yı hazret-i cihân-dârî ile mu‘anven bir kıt‘a emr-i âlî i‘tâsı istisvâb-ı hâl idüğü huzûr-ı âlîlerine i‘lâm olundu. Bâkī el-emrü li-veliyyi’l-emr. Fî 7 Zilka‘de sene [1]255.