.:: İstanbul Kadı Sicilleri ::.


Anadolu Sadâreti Mahkemesi 2 Numaralı Sicil (H. 1251-1257/ M. 1835-1841)
cilt: 94, sayfa: 109
Hüküm no: 81
Orijinal metin no: [15b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Vefat eden Tatar Mehmed İzzet Ağa’nın tahsil olunan alacaklarının listesi

Mahrûse-i Galata hâricinde Beyoğlu’nda Hüseyin Ağa mahallesi ahâlîsinden olup mahrûse-i Bursa’da Arab mahallesinde fevt olan Tatar Mehmed İzzet Ağa b. Hasan Çavuş’un asl-ı defter târîh-i Bursa fî 29 M sene [1]256, ba‘dehu târîh-i defter-i zeyl-i Bursa fî 19 S sene [1]256.

Derûn-ı defterde ismi mezkûr müteveffâ Mehmed İzzet Ağa’nın zikri âtî alacağının temessükât hüccetleri hîn-i fevtinde yanında mevcûde olup mahrûse-i mezbûre muhassılı mûmâ-ileyh atûfetlü Kani Beyefendi tarafından bâ-mektûb Der-aliyye’ye irsâl ve ashâbından henüz tahsîl ve kabz olunmağla zevce-i mezbûre Âişe Hatun tarafından vekîl-i müsecceli Ahmed Ağa b. Osman ve mezbûr Hasan Ağa taleb ve ma‘rifetleriyle tahrîr ve taksîm ve zeyl-i defter olunur ki ber-vech-i âtî zikr olunur.

Fî 2 R sene [1]256.

Tuhafçı Zamakda Andonaki bâzergân zimmetinde olup kabz olunan 2.585 guruş Siverdonko bâzergân zimmetinde olup kabz olunan 1.750 guruş Eznaydi bâzergân zimmetinde olup kabz olunan 2.000 guruş Şerbethâneci Petro zimmî zimmetinde olup kabz olunan 13.200 guruş Şerbethâneci Marko zimmî zimmetinde olup kabz olunan 15.462,5 guruş Şerbethâneci Abram zimmî zimmetinde olup kabz olunan 5.062,5 guruş Şerbethâneci Aleksan zimmî zimmetinde olup kabz olunan 2.531 guruş Şerbethâneci Ustabaşı İstefan zimmî zimmetinde olup kabz olunan 2.050 guruş Tercüman Tatos zimmetinde olup kabz olunan 1.400 guruş Yekûn 46.041 guruş

Minhe’l-ihrâcât:

Deyn-i Arabacı Ali bâ-ikrâr 1.280 guruş Deyn-i Samancı Ali bâ-ikrâr 257,5 guruş Deyn-i Sarrâc Abdullah bâ-ikrâr 40 guruş Deyn-i Kulu zimmî bâ-ikrâr 20 guruş Deyn-i Eczâcı Rosi bâ-ikrâr 90 guruş Deyn-i İpsioğlu bâ-ikrâr 175 guruş Deyn-i kassab Kosti bâ-ikrâr 35 guruş Deyn-i eczâcı Cuvani bâ-ikrâr 70 guruş Deyn-i İlya bâ-ikrâr 400 guruş Yekûn 2.367 guruş

Yekûn:

43.674 guruş

01.152 guruş harc-ı zeyl ve kaydiye

42.522 guruş sahhu’l-bâkī li’t-taksîm beyne’l-verese

Hissetü’z-zevceti’l-mezbûre 10.630,5 guruş Hissetü ibni’l-uht li-ebeveyni’l-mezbûr 31.891,5 guruş

Vâris-i mezbûr Hasan Ağa bâlâda muharrer hisse-i irsiyesi olan otuz bir bin sekiz yüz doksan bir buçuk guruşu vekîl-i mezbûr Ahmed Ağa yedinden bi’l-verâse tamâmen ahz u kabz ve bâ-hüccet ibrâ-i zimmet etdikden sonra vekîl-i mezbûr Ahmed Ağa müvekkilesi zevce-i mezbûrenin kezâlik bâlâda muharrer hisse-i irsiyesi olan on bin altı yüz otuz buçuk guruşu bi’l-vekâle tamâmen ahz u kabz eylediği bu mahalle zeyl olundu.