Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 193 Hüküm no: 366 Orijinal metin no: [44b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahak b. Yani’nin bey‘ bi’l-istiğlâl yoluyla Baba Ali b. Yusuf Evkafı’ndan ödünç aldığı Yevmü’l-ehad fî 25 H[âlî] Yevmü’l-isneyn fî 26 Sahak b. Yani işbu akdin kendisinden sudûruna kadar mâliki olduğu ve taht-ı tasarrufunda bulundurduğu, havâss-ı Kostantıniyye-i mahmiyye tevâbi‘inden Kuruçeşme karyesinde kâin, tahtânî üç hâneyi, bahçeyi, su kuyusunu, kenîfi ve muhavvatayı hâvî, bir tarafından Zenbete bt. Yorgi mülkü, bir tarafından dağ, tarafeynden de tarîk-ı âm ile mahdûd menzilini cümle hudûdu ve hukuku ile râyicü’l-vakt üç bin akçe semen-i mu‘ayyen-i makbûzla Baba Ali b. Yusuf Evkāfı’na mütevellî olan hâmil-i hâze’l-kitâb Hüsrev b. Abdullah’a bey‘ ettiğini ikrâr ve i‘tirâf eyledi. O dahi vakf-ı mezbûr malıyla ve istiğlâl maksadıyla iştirâ eyledi. Mütevellî-yi mezbûr menzil-i merkūmu târih-i kitâbdan bir sene tamâmına râyicü’l-vakt üç yüz akçe ücret-i kirâ ile bâyi‘-i mezkûra icâreye verdi. Karye-i mezbûreden Kethüdâ İstemad b. Dimitri ve Yani b. Nikola ve Papas Yorgi b. Yani menzil-i mezbûrun derkine ve ücret-i kirâya kefîl oldular. Vâki‘ ikrâr müşterî-yi mezbûr tarafından bi’l-müvâcehe tasdîk edildi. Cerâ zâlike ve hurrire fi’l-yevmi’s-sâdis ve’l-ışrîn min şehri Recebi’l-mürecceb li-sene seb‘a ve sittîn ve tis‘a mi’e Şuhûdü’l-hâl: Mevlânâ Mehmed b. Veli el-imâm, İbrahim b. Sadık el-müezzin, Mustafa b. Abdullah, Berber Hasan b. Abdullah, İskender b. Abdullah, Mahmud b. Abdullah, Mehmed b. Abdullah, İsmail Çelebi b. Hayreddin, Berber Hacı İlyas b. Abdullah, Mehmed b. Mustafa el-muhzır ve gayrühüm mine’l-hâzırîn