|
Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 117 Hüküm no: 88 Orijinal metin no: [17b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Fatma Kadın’ın Sarraf Moğsis aleyhindeki alacak iddiası
Ma‘rûz,
Sâhibe-i arzuhâl mu‘arrefetü’z-zât Zenciye Fâtıma Kadın nâm-ı diğer Şirin bt. Abdullah şifâhen sâdır olan fermân-ı âlîlerine imtisâlen Salı günü huzûr-ı hazret-i fetvâ-penâhîde ma‘kūd meclis-i şer‘-i münîrde Vezir Hanı’nda mütemekkin Sarrâf Moğsis v. Agob nâm zimmî muvâcehesinde mersûm Moğsis zimmî zimmetinde bin iki yüz elli iki senesi şehr-i Rebî‘ülevvelinin on beşinci günü malımdan ve yedimden iktirâz ve kabz ve umûruna sarfla istihlâk eylediği beş bin yedi yüz elli guruş alacak hakkım olmağla meblağ-ı mezkûru mersûm Moğsis zimmîden hâlâ taleb ederim deyü ba‘de’d-da‘vâ ve’l-inkâr müdde‘iyye-i merkūme Fâtıma Kadın ber-vech-i muharrer müdde‘âsına ikāmet-i beyyine edemeyip tahlîfe dahi tâlibe olmamağın mûcebince müdde‘iyye-i merkūme Fâtıma Kadın da‘vâ-yı mezkûresiyle mersûm Moğsis zimmîye bilâ-beyyine mu‘ârazadan men‘ olunduğu huzûr-ı âlîlerine i‘lâm olundu.
Fî 14 Ca sene [1]256.
|