.:: İstanbul Kadı Sicilleri ::.


Anadolu Sadâreti Mahkemesi 2 Numaralı Sicil (H. 1251-1257/ M. 1835-1841)
cilt: 94, sayfa: 120
Hüküm no: 92
Orijinal metin no: [18a-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Üsküdar ahalisinden vefat eden Ayşe Sıdıka Hanım’ın ve oğlu Mehmed Nesib Molla’nın terekeleri listesi

Medîne-i Üsküdar-ı meymenet-âsârda Açık Türbe kurbünde Ahmed Çelebi mahallesinde sâkine iken bundan akdem vefât eden Hâce Şerife Âişe Sıdıka Hanım bt. el-merhûm el-Hâc Ali Bey’in verâseti zevc-i metrûku müderrisîn-i kirâm-ı zevi’l-ihtirâmdan es-Seyyid Mehmed Şemseddin Efendi b. el-Merhûm sadr-ı vâlâ-yı Rumeli-yi esbak Mustafa Molla Efendi ile vâlidesi Şerife Habibe Hanım bt. Mehmed ve sadrî sagīr oğulları es-Seyyid Ahmed Tevfik ve es-Seyyid Mehmed Nesib Mollalara münhasıra olduğu lede’ş-şer‘i’l-enver zâhir ve mütehakkık oldukdan sonra ümm-i mezbûre Şerife Habibe Hanım’ın dâmâdı ve tarafından vekâlet-i âmme-i mutlaka-i sahîha-i şer‘iyye ile vekîl-i müsecceli müderrisîn-i kirâmdan Hamâmîzâde hafîdi es-Seyyid Ali Rıza Efendi b. es-Seyyid Mehmed Tevfik Efendi ve sagīrân-ı mezbûrânın pederleri ve velîleri zevc-i mûmâ-ileyh es-Seyyid Mehmed Şemseddin Efendi taleb ve ma‘rifetleriyle tahrîr ve bey‘ ü taksîm olunan tereke-i müteveffâ-yı mezbûredir ki ber-vech-i âtî zikr olunur.

Fî 20 Za sene [1]255.

Yazma seccâde 1aded, işleme seccâde 1 aded 20 guruş Basma hırka 1 aded, çuka çanta 1 aded ve hırdavat 13,5 guruş Hasa köhne çârşeb 2aded 11 guruş Köhne işleme havî gezi 1 aded, tel işleme makreme 12 aded, boğça peşkir 11 aded 80 guruş Âbdest fûtası 1 aded, namaz bezi 2 aded 30 guruş Penbe şilte 1 aded, basma yorgan ma‘a çârşeb 1 aded 71 guruş Penbe basma şilte 2 aded 69 guruş Bürüncük çârşeb 1aded, penbe çârşeb 1 aded 46 guruş Dülbend yazma yüz yasdığı 6 aded 51 guruş İşleme yüz yasdığı 2 aded, basma yüz yasdığı 4 aded 31 guruş Basma yorgan 2 aded 35 guruş İşleme yorgan 1 aded, basma yorgan 1 aded 70 guruş Basma yorgan ma‘a çârşeb 2 aded 57 guruş [18b] Sarı işleme yorgan 1 aded, ezrak 1 aded 225 guruş Elvân baş yasdığı 4 aded, yüz yasdığı 4 aded 52 guruş Basma tennûr yorganı 1 aded 35 guruş Basma penbe şilte 1 aded, koltuk yasdığı 2 aded 38 guruş Masdif iskemle 1 aded, faraş 1 aded 50 guruş Pirinç leğen ibrik 1 aded 45 guruş Pirinç âbdest leğeni 1 aded 69 guruş Nohûdî şeytan bezi döşek 1 aded 50 guruş Pirinç sini 1 aded 159 guruş Kırmızı mühre döşek 1 aded 90 guruş Nohûdî Şeytan bezi döşek 1 aded 50 guruş Def‘a nohûdî şeytan bezi döşek 1 aded 60 guruş Aba kapı perdesi 2 aded 43 guruş Moskov kiçesi 1 aded 405 guruş Çit perde 1,5 aded 17 guruş Dökme mangal 1 aded, tablası 1 aded 400 guruş Meksûr fenariye dolabı 1 aded 12 guruş Saksonya kâse 3 aded, tabak 1 aded 220 guruş Billûr bardak 4 aded, billûr kâse 7 aded, Saksonya bardak 1 aded, polad tepsi 2 aded, seped 1 aded ve bir mikdâr şişe 80 guruş Polat tepsi 1 aded 11 guruş kavanos 2 aded, ma‘den kâse 1 aded, kebîr tabak 3 aded 110 guruş Beyaz tabak 1 aded, billur tabak 1 aded, kâse 1 aded, Çanta 1 aded, polad tepsi 1 aded, seped yelpâze 1 aded 20 guruş Tırnak hoşâb kaşığı 10 aded, elvân ta‘âm kaşığı 7 aded ve hırdavat-ı kaşık 27 guruş Cedîd dökme sahan bâ-kapak 10 aded, tas 1 aded, kapak 1 aded, pilav tenceresi 1 aded, kapak 1 aded 205 guruş Şamdan 1 aded, kıbralı mum sofrası 1 aded 10 guruş Polat tepsi 1 aded, bir mikdâr şişe evânî ma‘a sepet 12 guruş Köhne nâfe kürk 1 aded 52 guruş Tahta anbar 1 aded 20 guruş İhrâm yasdık 12 aded, turuncu ihrâm mak‘ad 3 aded, parça minder 8 aded 1000 guruş Moskov kaliçesi 1 aded 110 guruş Beyaz penbe minder şiltesi 3 aded 132 guruş Sîm kıbralı kahve kutusu 1 aded 40 guruş Çitari ve dülbend haftân 2 aded 38 guruş Mürevveş haftân 1 aded, işleme beyaz dülbend haftân 1 aded 25 guruş Dülbend anteri 2 aded 60 guruş Çitari anteri 2 aded 34 guruş Siyah canfes hırka 1 aded, marinoz hırka 1 aded, sarı İngiliz şalı 1 aded, hırka 1 aded 70 guruş Güvezli Çitari anteri 1 aded 71 guruş Tahtı basma anteri 1 aded, İngiliz şalı 1 aded, şalvar 1 aded 44 guruş Siyah basma anteri 1 aded, sarı basma şalvar 1 aded 51 guruş Köhne şalvar 1 aded, zıbın 1 aded, boğça 2 aded, İngiliz şalı parça 2 aded 30 guruş Tonbak kılâbdan 1 aded, buhurdan 1 aded 42 guruş Ma‘den zemzemiye 1 aded 16 guruş Itır memlû şişe 2 aded, tehî ıtır şişesi 1 aded 10 guruş Çınar piştahta 1 aded, kaşık 1 aded 35 guruş Kızılcık kaşık 1 deste 10 guruş Cedîd Hind çitari anteri 1 aded, müsta‘mel çitari şalvar 1 aded 100 guruş Dülbend anteri 1 aded, basma anteri 1 aded 30 guruş Hindkârî altıparmak anteri 1 aded 135 guruş Nebâtî Hindkârî çitari anteri 1 aded, boğça 1 aded 66 guruş Boğça 2 aded 1 guruş Düz yakalı sagīr piştahta üstunç 1 aded 80 guruş Kimyonî çitari anteri 1 aded, ma‘a şalvar 152 guruş Sakız kârî boğça 1 aded, gezi bollu boğça 1 aded 61 guruş Fransız basması anteri 1 aded, dülbend şalvar 1 aded 21 guruş Üstunç piştahta 1 aded ve bir mikdâr akīk 60 guruş Beyaz dülbend anteri 1 aded 81 guruş İngiliz şalı hırka 1 aded 36 guruş Tirşe Marinoz hırka 1 aded 27 guruş Şalaki leylâkî Çerkes hırkası 1 aded 100 guruş Gömlek 2 aded, boğça 2 aded ve hırdavat 25 guruş Karpuz resmi kutu 1 aded 11 guruş Müsta‘mel gömlek 7 aded 100 guruş Mertebânî çuka kaplı samur paçası kısa kürk 1 aded 224 guruş Dülbend gömlek 4 aded, penbe çorap 1 aded, basma boğça 2 aded, püskül 1 aded 46 guruş Fenariye santranç canfes anterilik 1 aded 74 guruş Elvân yazma yemenî 10 aded 240 guruş Kılâbdan işleme boğça 1 aded, bol işleme kahve pûşîdesi 1 aded 151 guruş Penbe canfes pullu? boğça 1 aded, hırka 3 aded, 100 guruş Hırka 1 aded ve bez hırdavatı 10,5 guruş Bürüncük cedîd çârşeb 1 aded 51 guruş Elma Çerkes kürkü 1 aded 360 guruş Peştamâl 1 aded, havlî 2 aded, silecek 1 aded, boğça 1 aded 32 guruş Şâlî parçası ve hırdavat 40 guruş Tirşe Marinoz kaplı vaşak kürk 1 aded 120 guruş Köhne kakum kürk 1 aded 25 guruş Sagīr camlı kutu 1 aded, mir’ât kabı 1 aded, boğça 1 aded 10 guruş Mâ’î çuka ferâce 1 aded 231 guruş Peştemâl 1 aded, İşleme havî 1 aded, silecek 1 aded, sagīr havî 1 aded, boğça 1 aded 125 guruş Boğça 1 aded, yün hurç 1 aded ve hırdavat 5 guruş Yeşil Marinoz kaplı incilice kısa zerdava kürk 1 aded 391 guruş Tirşe Marinoz kaplı samur kürk 1 aded 761 guruş [19a] Tensûhî Marinoz kaplı paça samur kürk 1 aded 411 guruş Mora kaplı elma kürk 1 aded 125 guruş Leylâkî kaplı cedîd elma kürk 1 aded 300 guruş Yaşmak 1 aded, içlik 1 aded, boğça 3 aded, çedik 1 çift 15 guruş Şibşib 2 çift, boğça 2 aded, bir mikdâr nühâs tel 20 guruş Harîr harçlı siyah canfes anteri 1 aded, mavi canfes şalvar 1 aded 200 guruş Santranç anteri 1 aded ve penbe şalvar 170 guruş Tensûhî Fâris anteri şalvar 1 aded 175 guruş Kafes harçlı siyah şâlî anteri 1 aded 80 guruş Kılâbdan harçlı güvez suvâ’î anteri 1 aded, Selimiye şalvar 1 aded 430 guruş Beyaz pullu? pullu anteri 1 aded, mavi pullu? Şalvar 1 aded 550 guruş Gümüşî çuka anteri 1 aded 120 guruş Güvez ve beyaz ve sarı sopalı parça şal 1 aded 406 guruş Donluk parça marpiç şal 1 aded, 441 guruş Al ve lâciverd ve beyaz çubuklu şal 1 aded 441 guruş Al ve lâciverd, beyaz çubuklu şal 1 aded 350 guruş Def‘a parça şal 1 aded 180 guruş Havî 1 aded, çevre 1 aded 5 guruş Marpiç şal anteri 1 aded, çubuklu şal şalvar 1 aded 2100 guruş Sepet sandık 2 aded 40 guruş Sim kıbralı kürk 1 aded 25 guruş Mushaf-ı şerîf 1 aded 300 guruş Delâilü’l-hayrât 1 aded 30 guruş Piştahta 1 aded, sepet sandık 1 aded 30 guruş Sîm mir’ât 1 aded 218 guruş 10 para Sîm zarf 10 aded, sîm kahve ibriği 1 aded, sîm su tası 1 aded, sagīr sîm tabak 2 aded, sîm tepsi 1 aded, 1064,5 guruş 6 para Fincan 18 aded, kutu 1 aded, 25 guruş Harc-ı resmî elmas iğne 1 aded 571 guruş Sîm maşraba 1 aded 984 guruş 15 para Elmas kol başılı zümrüd yüzük 1 aded 1001 guruş Tel işleme tehî atlaz yasdık 12 aded, atlaz mak‘ad 2 aded, koltuk yasdığı 2 aded 2000 guruş İncili ve elmaslı altın halhal tek 1 aded, 1630 guruş Elmas halka 1 aded 900 guruş Minalı altın sâ‘at 1 aded 1000 guruş Hilâlî sâ‘at 1 aded 215 guruş İncili yüz sürü tesbîh 170 guruş Panaluka kayık minderi 1 aded, kılâbdanlı yasdık 2 aded 120 guruş Yıldız resmi elmas iğne 2 aded 7500 guruş Güneş resmi elmas iğne 1 aded 6000 guruş Elmas hamâil 1 aded 2500 guruş Def‘a minakârî altın sâ‘at 1 aded 1000 guruş Fermâyiş şal 1 aded 350 guruş Edirne kârî piştahta devâtı 150 guruş Hayatında âhara ferâğ olunan vakıf Yahûdi hâne hissesi bedelinden zevc-i mûmâ-ileyh zimmetinde olup kabz olunan 4000 guruş Pederi merhûm-ı mûmâ-ileyh el-Hâc Ali Bey’den mevrûs hissesinden kezâlik zevc-i mûmâ-ileyh zimmetinde olup kabz olunan 3500 guruş Zenciye câriye be-nâm-ı Şirin 1 re’s 2250 guruş Zevci mûmâ-ileyh zimmetinde mütekarrir ve ma‘kūdün-aleyh mehr-i müeccel hakkı olup kabz olunan 1750 guruş

Yekûn:

55902 guruş 11 para

00068 guruş dellâliye

55834 guruş 11 para [yekûn]

01479 guruş 11 para resm-i âdî ve kaydiye

54355 guruş sahhu’l-bâkī li’t-taksîm beyne’l-verese.

Hissetü’z-zevci’l-mûmâ-ileyh 13.588,5 guruş 30 akçe Hissetü’l-ümmi’l-mezbûre 9.059 guruş 20 akçe Hissetü’l-ibni’l-mezbûr 15.853,5 guruş 5 akçe Hissetü’l-ibni’l-mezbûr 15.853,5 guruş 5 akçe

Vekîl-i mûmâ-ileyh es-Seyyid Ali Rıza Efendi kayınvâlidesi müvekkile-i ümm-i mezbûre Şerife Habibe Hanım’ın bâlâda muharrer hisse-i irsiyesi olan dokuz bin elli dokuz guruş yirmi akçeyi zevc-i mûmâ-ileyh es-Seyyid Mehmed Şemseddin Efendi yedinden bi’l-vekâle tamâmen ahz u kabz edip ve sagīrân-ı mezbûrân es-Seyyid Ahmed Tevfik ve es-Seyyid Mehmed Nesib Mollaların kezâlik bâlâda muharrer hisse-i irsiyeleri olan cem‘an otuz bir bin yedi yüz yedi guruş on akçe ve vâlideleri müteveffâ-yı mezbûrenin hîn-i vefâtında târîh-i defter senesi Şevvâli’l-mükerremi gāyetine değin vakıf îrâdları hâsılâtı olan beş yüz yirmi buçuk guruş otuz akçe ki min-haysü’l-mecmû‘ otuz iki bin iki yüz yirmi yedi buçuk guruş kırk akçe bâ-hüccet ve bâ-küfelâ pederleri ve velîleri mûmâ-ileyh es-Seyyid Mehmed Şemseddin Efendi’ye idâne olunduğu bu mahalle şerh olundu.

Ba‘de’d-defter sagīr-i mezbûr es-Seyyid Mehmed Nesib Molla dahi vefât edip verâseti min-kıbeli’l-üm ceddesi mezbûre Şerife Habibe Hanım ile pederi mûmâ-ileyh es-Seyyid Mehmed Şemseddin Efendi’ye münhasıra olduğu lede’ş-şer‘i’l-enver zâhir ve mütehakkık oldukdan sonra cedde-i mezbûre Şerife Habibe Hanım’ın dâmâdı ve tarafından vekîl-i müseccel-i şer‘îsi mûmâ-ileyh es-Seyyid Ali Rıza Efendi ve eb-i mûmâ-ileyh es-Seyyid Mehmed Şemseddin Efendi taleb ve ma‘rifetleriyle tahrîr [19b] ü taksîm ve zeyl-i defter olunan tereke-i sagīre-i müteveffâ-yı mezbûrdur ki ber-vech-i âtî zikr olunur.

Fî 15 S sene [1]256.

Sagīr-i müteveffâ-yı mezbûrun vâlidesi müteveffât-ı mezbûreden mevrûs bâlâda muharrer hissesi 15.853,5 guruş 5 akçe

Kezâlik sagīr-i müteveffâ-yı mezbûrun bâlâ-yı şerh-i defterde muharrer vakıf îrâd hâsılâtı 260 guruş 45 akçe

Kezâlik sagīr-i müteveffâ-yı mezbûrun hayatında vakıf îrâdı hâsılâtından pederi mûmâ-ileyhin makbûzu 330 guruş

Yekûn:

16.443,5 guruş 50 akçe

250 guruş techîz ve tekfîn

16193,5 guruş 50 akçe

428,5 guruş 50 akçe harc-ı zeyl ve kaydiye

15.765 guruş sahhu’l-bâkī li’t-taksîm

Hissetü’l-ümmi’l-ümmi’l-mezbûre 2.627,5 guruş Hissetü’l-ebi’l-mezbûr 13.137,5 guruş

Vekîl-i mûmâ-ileyh es-Seyyid Ali Rıza Efendi kayınvâlidesi cedde-i müvekkile-i mezbûre Şerife Habibe Hanım’ın hisse-i mezkûresi olan iki bin altı yüz yirmi yedi buçuk guruşu eb-i mûmâ-ileyh es-Seyyid Ahmed Şemseddin Efendi yedinden bi’l-vekâle tamâmen ahz u kabz eylediği bu mahalle zeyl olundu.